此片有趣在引用《英雄本色》，而非一般用法，「我要攞番失去嘅嘢」(暗喻原來的香港)，反而展示軟弱一面(Mark哥也會流馬尿)。如視此為腥港中年人的自白書，好聽是潛龍勿用，不滯於物﹐難聽是請將手放開﹐接受現實，結局《畢業生》一樣搶新娘云云，當然什麼也沒有發生。
《英雄本色》之不朽﹐因有97大限之時代意義﹐Mark哥名言﹐「真係估唔到香港夜景係咁靚，咁靚嘅嘢，一下子就無晒」﹐故有「我要攞番失去嘅嘢」的行動﹐而以毀滅告終﹐才引起觀眾巨大的悲慟。此片對香港人的意義﹐經歷幾種階段﹐97大限前恐共﹐悲歎香港消逝；本土思潮勃發﹐則有奪回香港之慨；今日香港大局已定﹐往日種種皆成明日黃花﹐中老年人對Mark哥作另類解讀﹐遂有《逆流大叔》罷工唔見人﹐扒艇當抗爭的結果。
電影觸及很多香港現實，代際衝凸(抗爭青年被老人出賣) ，居住問題(經紀騙錢吳鎮宇逆來順受)，港男港女問題，港中婚姻亂象等等﹐其實皆浮光掠影，沒頭沒腦就混過去(結局更借龍舟賽誤導觀眾以為罷工成功)，講到尾﹐就是給無所作為、無所用心的中老年人釋懷﹐自我陶醉。
第一場戲寫工業行動﹐最見時代幻變﹐資本家剝削工人從來如是﹐然以前有英國佬睇住﹐不管香港精神幾貪婪﹐始終傾向腳踏實地﹐工人示威﹐扮跳海也好﹐絕食24小時也罷﹐做做樣就OK﹐資本家讓半步﹐大家4466拆掂佢(其實即97前殖民主派﹐和理非非的抗議模式)。今日再無此調﹐編導立於吳鎮宇等中老年人立場打飛機﹐而絕口不提片初示威被出賣的純真青年﹐簡直當佢不存在﹐只係埋下更多仇恨﹐更深遠的火種﹐等候時機而大爆發而已。
看完留下最深印象﹐是龍舟隊員主觀鏡頭﹐望船頭靚女結實的肉體﹐否則阿叔如我，如此稀鬆平常的電影，根本看不下去。余香凝是一根蘿蔔﹐吸引阿叔繼續捱驢仔﹐有得睇冇得食﹐犬儒得來﹐其實又符合現實﹐條女真係畀你查﹐你又查得落咩﹐你有本事查咩？編導計算之深﹐根本是中年﹐不是青年啦。
其實制服唔應寫「英雄本色」，應像《無涯》的杜琪瘋，寫「海闊天空」。
No comments:
Post a Comment