21 April 2015

《消滅港片之戰 ------ 由黃金時代得最佳電影談起》

一、許鞍華完成歷史任務

中國片《黃金時代》佔領香港金像獎﹐全民噤聲﹐人人接受(即使他們大部分都沒看過電影)﹐事實比什麼都更能見到香港電影之死。

相比數年前《打擂台》(所謂本土精神)得獎﹐左膠同仁歡呼﹐今次紅Van 全軍覆沒﹐佢地屁都唔想放一個﹐呢個見到「許鞍華」三個字的威力。中聯辦一毫子都唔駛畀﹐打手唔駛出﹐黑警唔需拔槍殺人﹐學院中人唔駛著博士袍﹐就令香港文化中心安靜地被中國人佔領﹐咁蝕幾億畀許氏拍蕭紅又何妨?簡直超值。共匪愛「香港」還是愛「黃金」?中國人多水過波多野老師呀。

回溯番許鞍華走過的路:
1984年英中聯合聲名﹐戴卓爾夫人賣港﹐許氏拍了《傾城之戀》(一個城市的陷落)。
1987年用香港左派資金﹐率先北上拍《書劍恩仇錄》。
1997年香港政權移交﹐拍《半生緣》(曼禎:我們再回不去了)。
2003年繼續北上﹐拍趙薇的爛片《玉觀音》
2012年《桃姐》橫掃香港
2014年中國片《黃金時代》得香港金像獎﹐完成任務。

假如話王家衛係計算(97拍happy together之類)﹐許氏實略無遜色﹐老謀深算﹐伏線更深。咁就能解釋﹐典解共匪會放任一個香港大學番書女出身的人拍蕭紅﹐畀你班香港文人自慰(附會蕭紅係香港文學)﹐又明知從往績看﹐唔會得歐洲影展獎﹐一切藝術上的作為都係徒勞無功。「黃時」結局香港淪陷﹐主角見不到光復之日就死了﹐實為最貼切的隱喻(連傾城之戀的狗男女都沒了)。許氏以為「黃金時代」四個字係調侃﹐係嘲諷(指蕭紅放浪日本的時代)﹐其實同社運撚打飛機分別不大﹐對匪類秋毫無損﹐扮野當做左。

許氏歷史任務真的完成了嗎?難說﹐依共匪或黑社會套路﹐只要有「剩餘價值」﹐冇咁易脫身。一如陳雲今期《熱血時報》文章﹐就算列寧死了﹐尸首依然在在﹐人民都要親眼去看﹐才能相信﹐卻又無法確定:列寧真的「死」了嗎?

今年杜琪峰、劉德鋒不見了﹐提名都冇﹐亦意味深長。共狗的策略很清楚﹐2014香港電影﹐最理想﹐由關錦鵬和趙薇中國片《放浪記》控制﹐不成器的話﹐則由《五個小孩》(離地中產救世精神)﹐或偽港片《衝鋒車》(秃鷹支持者)之類爛片補上。

許鞍華、陳可辛之類﹐香港票房奇低﹐鬼佬唔睇﹐可堵住香港愚民、共諜之口﹐卻得不了他們的心。消滅香港電影之戰﹐還看2016﹐杜琪峰、韋家輝、劉德華等等﹐已盡收旗下﹐養兵千日﹐盡在一朝﹐且看杜韋能否再創中國奇蹟﹐消滅香港電影。「黃時」佔領了香港人的肉體﹐讓「杜韋」再得到香港人的心。而香港電影棺材的最後一口釘﹐由賣港記錄片《無涯》裡﹐高唱失敗主義《海闊天空》的杜Sir補上﹐即使唱得荒腔走板﹐未成曲調也有愛﹐亦最適合不過了。

二、吳君如的Role-Playing Game

有網友提出《半支煙》﹐吳君如演一個不學無術﹐唔知冰心是誰的畫店老闆。呢個先係吳君如作為喜劇演員的特點:扮傻﹐role-playing。除了文盲﹐三四十以上的香港人﹐讀過書﹐真係會有人唔知冰心是誰嗎?唔知鄧小樺是誰﹐就很正常。

周星馳之類﹐演出中心是「人笑我瘋癲﹐我笑他人看不穿」。吳君如用陰性書寫﹐進入不了男權狀態﹐於是只能用醜婦、善良、可憐、想搵個好男人倚靠之類﹐完成她的丑角扮演﹐她的特點﹐是「扮傻」﹐而沒有深藏不露﹐其實聰明過觀眾的時刻。試想想﹐假如唔識Wim Wenders的是占基利、周星馳、黃子華﹐梗有的野既。外界會咁簡單﹐咁放心﹐瘋狂咁插嗎? 吳氏跟商業電台權臣俞琤的友好﹐亦有向男權挑機的含意。咁先明《十二金鴨》﹐吳君如演男人(不是反串﹐直情是任劍輝那種)﹐重做埋導演的意義: 佢脫離不了陳可辛(如吳氏是「香港」﹐陳氏則是「中國」)﹐要建立一個自在自足的身分﹐只能通過role-playing。用RPG的角度看金像獎「蕭小姐」事件﹐就別有意思﹐跟過往從容自若不同﹐頒獎時佢成個人都震晒﹐可見裡面的勇氣係幾強﹐班男人唔見晒﹐女人一個上﹐這是吳君如另一次做「男人」的嘗試。有人指吳氏「侮辱蕭紅」﹐實是淺見﹐你千祈咪「矮化」吳君如﹐佢侮辱緊湯唯、許鞍華、成班著晒黑社會黑西裝的中國人呀。

再看一遍最佳電影頒獎片段﹐不止空前﹐肯定絕後﹐實在有太多弦外之音。小節不談﹐最值得注意是頒那一刻﹐未打開信封﹐吳氏已講「好想食炒蟹」﹐打開前﹐亦特登講「金像獎硬係要搞咁既野」(投共)﹐得獎者是「高登era.......」﹐即係將「紅Van (香港)vs 黃金時代 (中國)」﹐高登vs建制﹐作一對比﹐一個被消失的議題﹐放番上檯面。高登和era「膠合」(香港和中國很膠地融合)﹐佢一早已知係「黃時」得獎。依此看﹐吳君如所謂「金像獎一人一票﹐有最高門檻」﹐則有極強烈的調侃意味了(金像獎根本是假選舉)。呢個亦係金像獎的宿命﹐由私人party變了共狗的政治攻擊目標﹐可哀是香港人亦只能逢迎。香港再無一個是男兒﹐所以這是吳君如最成功的演出﹐而不需要有人鼓掌。

影迷用攻擊吳君如(就算人人都知是照稿讀)﹐來轉移了成個獎的「中國化」﹐亦係值得注意。呢個係香港主流影迷的轉型﹐佢地一直好順服﹐自我膠化﹐而對香港的「被中國化」﹐已經完全麻木﹐冇感覺﹐跟謊言說一百次會變真理相若﹐他們已不懂問﹐湯唯是「香港人」嗎?黃時是「香港片」嗎?

吳君如攻擊的極致﹐是問湯唯知唔知「蕭小姐」係咩?湯唯擰頭問隔離朋友﹐「講咩?」﹐呢個係「香港人」身分的測試。而最可怖的是﹐環顧日常四週﹐無數咁多識「蕭小姐」係咩的疑似香港人﹐個個飽讀詩書﹐而佢地其實都是跟共狗心曲暗通的匪諜。

最重要﹐蕭紅唔係「香港」作家。等於張愛玲唔係(佢地重好不屑添)﹐趙薇、湯唯都唔係「香港人」一樣。香港人沒有這個醒覺﹐一切甭談。
至於鄧小樺係唔係﹐我就唔敢講。
以上唔係反話﹐Game Over。

5 comments:

  1. 今年杜琪峰、劉德鋒不見了﹐提名都冇﹐亦意味深長。

    -- > 劉德鋒2014年有甚麼電影上映?

    -- > 杜琪峰今年得一部單身2,上集都冇導演電影提名,請問當時共狗有冇策略對付杜琪峰?

    我只知杜琪峰已十年沒有得獎,而他亦表示打死不去金像獎.




    2014香港電影﹐最理想﹐由關錦鵬和趙薇中國片《放浪記》控制

    --> 2015 吓話? 放浪記都開唔成,究竟你平時有冇留意電影資訊?

    如果明年杜琪峰華麗上班族橫掃,肯定如你所說:養兵千日﹐盡在一朝﹐杜韋再創中國奇蹟﹐消滅香港電影。

    且看金像獎諸君能否放下成見,為香港電影打上最後一口釘?

    p.s.星期二晚港台講東講西林超榮親口證實,蕭小姐一段絕非跟稿讀而是吳君如自度.

    ReplyDelete
  2. 另外根據網上論壇,原來很多九十後土生土長港女都唔知「蕭小姐」係乜,呢個「香港人」身分的測試,應該於往後抗爭運動時作身份測試,一旦不懂內裡含義,一律視為跟共狗心曲暗通的匪諜.

    ReplyDelete
  3. 小弟只能回應﹐劉兄亦無謂於小節上爭論﹐成篇文個main point係咩﹐跟主流意見的分別係典﹐希望劉兄睇清楚。等於你話篇講稿由吳君如自度﹐如屬事實﹐我覺得吳氏更犀利﹐更有智慧 (個point唔係篇稿係邊個度﹐係好多人用呢樣野轉移視線o丫嘛)。你話杜琪峰講過咩咩咩﹐我就答藝人講野都好信﹐有利益就反口o架啦。我咁駁你﹐你又鬧番我﹐沒完沒了。我唔打算寫o的完美無暇的文(好多時寫錯字﹐寫錯年分都唔改)﹐劉兄覺得「差不多」﹐亦冇計﹐於我言﹐大方向正確即可。

    ReplyDelete
  4. 也要多謝劉兄認真看待、回應。當然假如我真係「受教」﹐寫些面面俱圓的野﹐咁都唔需要我啦。只願提供一般人冇想過的想法﹐對社會狀況多一典反應﹐停止盲從權威﹐然後行動﹐像N年前某本台灣書所謂「XX人你為什麼不發怒?」﹐講完。

    ReplyDelete
  5. 謝謝分享
    400

    ReplyDelete